Әлмәт наркология диспансеры 1,4 миллион сумга тестлар сатып алачак

Әлеге тестларны күп очракта мәктәп укучыларын һәм студентларны тикшерү өчен тотачаклар.

(Әлмәт, 10 февраль, "Татар-информ", "Әлмәт таңнары"). Әлмәтлеләрне наркотик матдәләр куллану-кулланмауларын тикшерәчәкләр. Моның өчен 1,4 млн. сум акча тотылачак, дип яза районның "Әлмәт таңнары" газетасы.

Шуның кадәр акчага Әлмәт наркология диспансеры тестлар сатып алачак. Спайс, морфин, марихуана, амфетамин, кокаин кебек наркотик матдәләрне куллану-кулланмауны ачыклап булачак. Әлеге тестларны күп очракта мәктәп укучыларын һәм студентларны тикшерү өчен тотачаклар.