Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәскәүдә төрки дөнья тикшеренүчесе Морад Аджины искә алачаклар
Морад Аджиның төп эше төрки дөньяны өйрәнү булды.
(Казан, 9 декабрь, «Татар-информ»). 14 декабрьдә Мәскәүнең Татар мәдәни үзәгендә төрки дөнья язучысы һәм тикшеренүчесе Морад Аджиның (1944-2018) тууына 75 ел тулуга багышланган чара узачак. Бу хакта Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә.
Морат Аджи - географ, язучы, журналист, икътисад фәннәре кандидаты, доцент булган шәхес. Фәнне популярлаштыручы, этнографик экспедицияләр оештыручы буларак танылды. Танылган журналларда дистәләгән китап, йөзләгән мәкалә авторы булды.
Морад Аджиның төп эше төрки дөньяны өйрәнү булды. Аның хезмәтләре халыкларның Бөек күченү концепциясен чагылдыра, алар, үз чиратында, тарихи фән һәм мәдәният өлкәсендәге тикшеренүләрнең яңа юнәлешләренә юл ача.
Чарада тарих фәннәре докторы, Татарстан Фәннәр академиясенең Ш.Мәрҗани исемендәге Тарих институтының татар-керәшен һәм ногайбәкләр тарихын һәм мәдәниятен өйрәнү үзәге мөдире Радик Исхаков, язучының тол хатыны Марина Курячая-Аджиева, язучы, «Татар дөньясы» федераль газетасы баш мөхәррире Ринат Мөхәммәдиев, шулай ук Мәскәү шәһәренең күп кенә төрки диаспоралары һәм җәмгыятьләре вәкилләре катнашачак.
Чара 13.00 сәгатьтә башлана. Керү ирекле.
Кызыклы яңалыкларны күзәтеп бару өчен Телеграм-каналга язылыгыз