Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яңа ел вакытында Мәскәү һәм Петербургтан Казанга өстәмә поездлар йөриячәк
Бәйрәм көннәрендә Россиядә иң популяр маршрутларга ерак араларга йөри торган 191 өстәмә поезд хезмәт күрсәтәчәк.
(Казан, 9 ноябрь, «Татар-информ»). Яңа ел һәм Раштуа каникулларында Мәскәү һәм Санкт-Петербургтан Казанга өстәмә поездлар билгеләнәчәк. Бу хакта Россия тимер юллары матбугат хезмәте хәбәр итә.
Өстәмә поездлар Мәскәүдән, Казаннан тыш, Новороссийск, Адлер, Санкт-Петербург, Мурманск, Архангельск, Котлас, Смоленск, Брянск, Иске Оскол, Новозыбков, Тамбов, Белгород, Курск, Пенза, Саранск, Чебоксар, Ижевск, Киров, Саратов, Самара, Тольятти, Уфа, Чиләбе, Орск һәм башка шәһәрләргә дә планлаштырыла.
Санкт - Петербургтан өстәмә рейслар шулай ук Мәскәү, Анапа, Новороссийск, Мурманск, Архангельск, Ярославль, Воронеж, Курск, Киров, Ижевск, Екатеринбург шәһәрләренә булачак.
Яңа ел бәйрәмнәрендә барлыгы Россия эчендә ерак араларга йөри торган 191 өстәмә поезд билгеләргә планлаштыралар.
«Поездлар 25 декабрьдән 10 гыйнварга кадәр иң популяр маршрутлар буенча йөриячәк, - диелә хәбәрдә. – Пассажирларны йөртү өчен 29 һәм 30 декабрь, ә кире юнәлештә - 8 һәм 9 гыйнвар көннәре иң кызу көннәр булыр дип көтелә».
Ерак араларга йөри торган поездларда пассажирларны имин йөртүне тәэмин итү өчен эпидемиягә каршы чаралар күрелә. Поездларның барлык составлары мәҗбүри санитар эшкәртү уза. Пассажирларга битлекләр һәм перчаткалар кулланырга киңәш ителә.
Кызыклы яңалыкларны күзәтеп бару өчен Телеграм-каналга язылыгыз