Эпидемиолог: Коронавирус белән авыру очраклары язга кимиячәк

Россиядә пандемиянең тәмамлануы турында коллектив иммунитет формалашкач кына сөйләргә була, дип билгеләп үтте белгеч.

(Казан, 9 ноябрь, «Татар-информ»). Коронавирус йоктыручылар саны язга таба кими башларга мөмкин. Бу хакта «Россия 1» каналы эфирында Роспотребнадзорның эпидемиология фәнни үзәге директорының фәнни эш буенча урынбасары Александр Горелов сөйләде, дип хәбәр итә Sputnik радиосы.

Аның сүзләренчә, Россиядә Covid-19 пандемиясе тәмамлану турында күмәк иммунитет формалашкач кына сөйләргә була.

«Бездә коллектив иммунитет формалаштырылмыйча, якын арада эпидпроцесс тәмамланыр дип көтәргә кирәк түгел», — дип санады Горелов.