Татарстанда 45 кеше коронавирус йоктырган
8 июльдә белгечләр ковидка 8,3 мең тест ясаган.
Скопировать ссылку
(Казан, 9 июль, «Татар-информ», Эвелина Киселева). Узган тәүлектә Татарстанда коронавирусның 45 яңа очрагы теркәлгән.
«Узган тәүлектә Татарстанда 45 кеше ковид белән авырган. Республикада вирус йоктыру очраклары 22 806га җитте», — дип хәбәр итте Татарстан буенча Роспотребнадзор Идарәсе башлыгы урынбасары Любовь Авдонина.
Аның сүзләренчә, 8 июльдә белгечләр ковидка 8,3 мең тест ясаган.
Татарстанның сәламәтлек саклау министры урынбасары Владимир Жаворонков әйтүенчә, Татарстанда узган тәүлектә 25 кеше коронавирустан терелгән, ә барлыгы 24 мең кеше дәваланып беткән.