Казанда температура рекорды куелган
Татарстан башкаласында термометрның терекөмеш баганасы +35,7 градуска кадәр күтәрелгән.
(Казан, 9 июль, «Татар-информ»). 8 июльдә Казанда температура рекорды куелган. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Казань-опорная метеостанциясендә термометрның терекөмеш баганасы +34,4, Казань-Аэропорт авиация метеостанциясендә +34,6, Казань-Сокол авиация метеостанциясендә +35,7 градуска кадәр күтәрелгән.
Бу көннең моңа кадәрге абсолют максимумы 1954 елда билгеләп үтелгән – ул чагында һава +33,3 градуска кадәр җылынган, дип ачык кертә синоптиклар.
«Татар-информ» агентлыгы метеорологлар Татарстанда аномаль эсселек аркасында шторм кисәтүе игълан итүе хакында язып чыккан иде инде.