Түбән Кама районында Сабантуй барлык торак пунктларда да диярлек уздырылачак

Түбән Кама районында Сабантуй барлык торак пунктларда да диярлек уздырылачак

(Түбән Кама, 9 июнь, “Татар-информ”, Сергей Толмацкий). Бүген һәм алдагы ял көннәрендә Түбән Кама районының барлык торак пунктларында диярлек татар халкының милли бәйрәме Сабан туе узачак.

Һәр авыл мәйданында сәүдә рәтләре эшләячәк, уеннар һәм концерт программалары узачак. Иң зур бәйрәм Кама Аланында 11 июньдә көтелә, Түбән Кама Сабан туе 16 июнь көнне “Ильинка” мәдәни-спорт комплексы территориясендә үткәреләчәк. Бүген анда күчмә киңәшмә булды һәм бәйрәмне оештыру мәсьәләсе каралды. Киңәшмә эшендә Түбән Кама муниципаль районы башлыгы Айдар Метшин, шулай ук шәһәр хезмәтләре һәм идарәләре җитәкчеләре катнашты.