Аксубай районы гадел хөкем итүчесе «Ел судьясы» булып танылды

(Аксубай, 9 март, «Татар-информ», «Авыл таңнары» Людмила Жаренова). Аксубай суд районы буенча 1нче суд участогы җәмәгать судьясы Фәнзилә Фәхертдинова «Татарстан Республикасында ел судьясы» исеменә ия булды. Аксубай судьясын диплом белән генә түгел, Россия судьялары берләшмәсе медале белән дә бүләкләделәр. Бу турыда район басмасы хәбәр итә.

Фәнзилә Динислам кызы 19 ел Аксубай районында гадел хөкем итү вазифасын башкара, Ул Россия Федерациясендә җәмәгать судьялары институты булдыруны башлап йөрүчеләрнең берсе. Һәм бу еллар агымында судья адресына бер генә дәгъва да, кабул ителгән карарларга бәйле бер генә шикаять тә килмәгән.

Аның хезмәте төрле елларда ТР Дәүләт Советының Рәхмәт хаты, «Россиядә Суд реформасына 150 ел» медале белән билгеләп үтелүе очраклы түгел.

.