Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Питрәч районының иң өлкән кешесенә 101 яшь тулды
Александр Липатов хакимият алмашу, Икенче бөтендөнья сугышы һәм СССР таркалу шаһиты булган.
(Казан, 8 ноябрь, «Татар-информ»). Питрәч районының шул ук исемдәге авылында яшәүче Александр Липатов 101 яшьлеген бәйрәм итте. Александр Павловичны «Забота» үзәге директоры Эльвира Хәйруллина туган көне белән котларга килде. Ул аңа котлау открыткасы һәм бүләкләр тапшырды. Бу турыда «Вперед» газетасы хәбәр итә.
Александр Павлович Уланово авылында җиде кешелек гаиләдә туган. Аның өч энесе һәм өч апасы булган, хәзер Александр гына исән калган. Гаиләгә ярдәм итү өчен ул 14 яшьтән колхозда эшли башлаган. Аннары сугыш башлана, һәм егетне армиягә алалар. Соңрак ул туберкулез белән авырый, шуннан соң дәваланырга һәм тернәкләнергә җибәрәләр.
Сәламәтләнгәннән соң Александр Липатов авыл кулланучылар җәмгыятендә, район берлегендә эшли. Ул кыенлыклардан курыкмаган, ял белмичә, һәрвакыт эштә булган.
Хатыны Татьяна Ивановна белән 65 елдан артык бергә гомер иткәннәр. Ир белән хатын һәрвакыт бер-берсе өчен ышанычлы терәк була. Алар алты бала тәрбияләп үстергән.
Бүген аның сигез оныгы, 14 оныкчыгы һәм ике оныкчыгының баласы бар. Александр Павлович кызы Анна белән Питрәч авылында яши.
Кызыклы яңалыкларны күзәтеп бару өчен Телеграм-каналга язылыгыз