news_header_top_970_100
16+
news_header_bot_970_100

Россия Пенсия фондында пенсияләрне исәпләгәндә хаталар җибәрү сәбәбен атадылар

Хезмәт кенәгәсендә вазифаны дөрес язмау, тиешле мөһернең куелмавы аркасында пенсиянең күләме үзгәрә ала.

(Казан, 8 сентябрь, «Татар-информ»). Түләүләрнең күләменә хезмәт кенәгәсендә вазифаның дөрес язылмавы яисә мөһер булмавы йогынты ясый. Документлардагы хаталар пенсиянең дөрес исәпләнмәвенә китерә.

Белгечләр барлык документларны тикшерсен һәм кирәк була калса, кешенең элеккеге эш урынына, архивка яисә башка дәүләтнең социаль тәэмин итү органына сораулар җибәрсен өчен, гражданнарга Пенсия фондына алдан мөрәҗәгать итәргә кирәк. Бу хакта ТАСС яза.

«Булачак пенсионерларның документлары белән проблемалар килеп чыкмасын өчен, Россиянең Пенсия фонды шәхси исәпкә алу системасын һәм электрон сервисларны актив рәвештә җәелдерә», — дип белдерәләр Пенсия фондыннан. 

autoscroll_news_right_240_400_1
autoscroll_news_right_240_400_2
news_bot_970_100