Күп балалы гаиләләр өчен төзелә торган микрорайонга исем эзлиләр

Яңа урамнарга исә 130 дан артык исем тәкъдим ителгән

 (Казан, 8 сентябрь, “Татар-информ”). Әлмәттә урамнарга, предприятиеләргә, свкерларга, мәйданнарга исем һәм географик атамалар бирү буенча комиссия утырышы узды.

Күп балалы гаиләләр өчен төзелә торган микрорайон Түбән Мактаманың төньяк-көнчыгышында урнашкан. Комиссия әгъзалары “Мактаминка”, “Жемчужина”, “Чулпан”, “Черемушка” исемнәрен тәкъдим иттеләр. Микрорайонның нинди исемгә лаек булуын депутатлар хәл итәчәк. Яңа урамнарга исә 130 дан артык исем тәкъдим ителде. Алар арасында танылган якташларыбыз Харис Шәйхатдаров, Энҗе Мөэминова, Шамил Надыйров, Галина Грицышина, Гаяз Сәрвазов, Борис Иванов һ.б. бар, дип белдерә “Әлмәт таңнары” газетасы.