Горький тимер юлындагы фирма поездлары 1 млн. 467 меңнән артык пассажирга хезмәт күрсәткән

“Татарстан” поезды узган 5 айда пассажирлар ташу күләме буенча 8 нче күрсәткеч биргән
(Казан, 8 июнь, “Татар-информ”). Агымдагы елның узган 5 аенда Горький тимер юлында фирма поездларында 1 млн. 467 меңнән артык пассажирга хезмәт күрсәтелгән. Бу чорда юл йөрүчеләр арасында Киров-Мәскәү маршрутындагы “Вятка” поезды иң зур популярлык казанган. Әлеге фирма поездында гыйнвар-май айларында 189 мең 227 кеше ташылган. Икенче урында – 5 ай эчендә 181 мең 250 меңнән артык пассажирга хезмәт күрсәткән “Чувашия” (Чабаксар-Мәскәү) поезды. Беренче өчлеккә шулай ук Түбән Новгородтан Мәскәүгә йөрүче “Буревестник” фирма поезды керә. Аңарда 166 меңнән артык пассажир озатылган.

“Татарстан” фирма поезды узган 5 айда пассажирлар ташу күләме буенча 8 нче күрсәткеч биргән. Бу чорда Казан белән Мәскәүне бәйләүче әлеге фирма поездында 141 мең 67 мең кешегә хезмәт күрсәтелгән. Казан-Санкт-Петербург маршрутында йөрүче “Поволжье” поезды – 10 нчы урында. Аның хезмәтләреннән 75 мең 525 кеше файдаланган. Бу хакта Горький тимер юлының җәмәгатьчелек белән элемтәләр хезмәте хәбәр итә.