ТР Эчке эшләр министрлыгы тарафыннан үткәрелүче “Алкоголь” оператив-профилактика операциясе дәвам итә

ТР Эчке эшләр министрлыгы тарафыннан үткәрелүче “Алкоголь” оператив-профилактика операциясе дәвам итә

(Казан, 8 июнь, “Татар-информ”, Гөлнар Гаттарова). 4 июньнән ТР Эчке эшләр министрлыгы тарафыннан “Алкоголь” оператив-профилактик операциясе үткәрелә. Аның төп максаты - Сабантуйны бәйрәм итү көннәрендә суррогат һәм спиртлы эчемлекләрне куллануны чикләү, дип белдерә ТР ЭЭМ мәгълүмат һәм җәмәгатьчелек элемтәләре бүлеге матбугат хезмәте.

Беренче көннәрдә республика буенча сәүдә предприятиеләрен, шәхси сектор һәм автотранспортны тикшерү буенча барлыгы 1400 дән артык чара уздырылган. Законсыз әйләнештән 600 литр легаль булмаган алкоголь продукция, 500 литр спиртлы эчемлек табылган. Алар өчен 99 административ беркетмә төзелгән, 9 җинаять эше кузгатылган һәм Яр Чаллыда яшерен цех эшчәнлегенә нокта куелган.