Чирмешәндә сыерчыкларга яңа оялар куйдылар

ара кысаларында балалар кошлар ояларын дөрес элү серләренә дә төшенде.

(Чирмешән, 8 март, «Татар-информ», «Безнең Чирмешән», Лилия Саттарова). Туган як тарихы музее һәм Чирмешән урман хуҗалыгы ярдәме белән укучылар кошларга яңа оялар әзерләде. Бу турыда район басмасы хәбәр итә.

Яз килгәне сизелә, кошлар озак көттермәс, кабат безнең якларга кайтып җитәрләр. Кошларны кайгыртып, агачтан уеп ясау түгәрәгенә йөрүче балалар, җитәкчеләре, туган як тарихы музее хезмәткәре Сәлимҗан Гамиров ярдәме белән, сыерчык оялары ясаган. Материалларны Чирмешән урман хуҗалыгы биргән.

Матур, җыйнак итеп ясалган сыерчык ояларын балалар урман хуҗалыгына тапшырдылар һәм алар белән бергә агачларга да элеп чыктылар. Чара кысаларында балалар кошлар ояларын дөрес элү серләренә дә төшенде.