Җәмгыять 7 декабрь 2019 10:44

Казанда Төрекмәнстанның Генераль консуллыгы ачыла

Шулай итеп Россиядә Урта Азия иле консуллыклары икәү була.

Скопировать ссылку

(Казан, 7 декабрь, «Татар-информ»). Татарстан башкаласында Төрекмәнстанның Генераль консуллыгы ачылачак. Бу хакта дәүләт башлыгының матбугат хезмәтенә сылтама белән Turkmenportal басмасы хәбәр итә.

Кичә Төрекмәнстан Президенты Гурбангулы Бердымөхәммәдов Хөкүмәтнең киңәйтелгән утырышында тиешле карарны имзалаган.

Консуллык «Төрекмәнстан һәм Россия Федерациясе арасындагы мөнәсәбәтләрне үстерү, халыкка консуллык хезмәтләрен нәтиҗәле күрсәтүне тәэмин итү максатыннан ачыла», диелә документта.

Казандагы генераль консуллык Төрекмәнстанның Россиядәге Генераль консуллыгы саны буенча икенчесе булачак. Беренчесе 2013 елның февралендә Әстерханда ачылды, дип хәбәр РИА Новости.

#төркмәнстан #консуллык

Сәхифәләр

Казанда Төрекмәнстанның Генераль консуллыгы ачыла