«Татар-информ»да «Җәлил укулары» әдәби бәйгесе турында сөйләшәчәкләр

Матбугат конференциясенә массакүләм мәгълүмат чаралары вәкилләре чакырыла.

(Казан, 7 октябрь, «Татар-информ»). Бүген, 7 октябрьдә, 11:00 сәгатьтә «Татар-информ» мәгълүмат агентлыгында «Җәлил укулары» III Халыкара әдәби бәйгесенә багышланган матбугат конференциясе булачак.

Чарада Бөтендөнья татар конгрессы башкарма комитеты җитәкчесе урынбасары Илгиз Халиков, «Җәлил укулары» бәйгесенең жюри әгъзасы, шагыйрь Газинур Моратов, «Җәлил укулары» бәйгесенең жюри әгъзасы, шагыйрь, журналист Ленар Шәехов катнашачак.

«Татар-информ» сайтында матбугат конференциясеннән онлайн трансляция оештырылачак. Сорауларны онлайн-видеога комментарий аркылы яисә WhatsApp мессенджеры аша +7 (927) 037-91-10 номерына юлларга мөмкин. Гаммәви мәгълүмат чарасының исемен күрсәтү сорала.

Аккредитация өчен электрон почта: pr@tatar-inform.ru