Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда ятим һәм мөмкинлекләре чикләнгән балаларга пособиеләр артачак
Бер тапкыр бирелә торган пособиеләр, уку кирәк-яраклары сатып алуга түләүләр, стипендияләр һәм туклану өчен бирелә торган акча артачак.
(Казан, 7 сентябрь, «Татар-информ»). 2021 елда Татарстанда ятим һәм мөмкинлекләре чикләнгән балалар өчен пособиеләр артачак. ТР Премьер-министры Алексей Песошин республика Хөкүмәтенең тиешле карарын имзалады.
Бер тапкыр бирелә торган түләү 814 сумга кадәр артачак. Уку әсбаплары сатып алуга пособие 2 мең 908 сум тәшкил итәчәк. Киләсе елның 1 сентябренә кадәр стипендия 966 сумга кадәр, ә аннан соң — 1 меңгә кадәр булачак.
Төп гомуми белем бирү базасында квалификацияле эшчеләр, хезмәткәрләр әзерләү программалары буенча белем алучыларны тукландыру өчен түләү 7 мең 138 сумга кадәр арттырылган.
Квалификацияле эшчеләр, урта гомуми белем базасында хезмәткәрләр әзерләү, урта звено һәм белгечләр әзерләү, бакалавриат, магистратура программалары буенча укучыларга пособиеләр 8 мең 225 сумга кадәр артачак.
Кызыклы яңалыкларны күзәтеп бару өчен Телеграм-каналга язылыгыз