Татарстанда яшенле яңгырлар явачак

Синоптиклар һава шартларының начараюы турында кисәтә.

(Казан, 7 август, «Татар-информ»). Татарстан территориясендә төнлә, көндез һәм иртәгә, 8 августта, урыны белән яшенле яңгыр булуы көтелә. Бу хакта ТР Гидрометеорология үзәге кисәтә.

Яшенле яңгырдан тыш, Татарстанда төньяктан секундына 15-20 метрга кадәр көчле җил исәчәк.

Казанда җил секундына 18 метрга кадәр көчәячәк, ә яшенле яңгыр төнлә генә булачак.