Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Кама уңайлы тирәлеккә ия шәһәр буларак танылды
Россия Төзелеш министрлыгы 2020 елда шәһәр тирәлеге сыйфаты индексы нәтиҗәләрен тәкъдим итте.
(Казан, 7 апрель, «Татар-информ»). Түбән Кама ил күләмендә уңайлы шәһәр тирәлеге булган территория буларак танылды.
Россия Төзелеш министрлыгы 2020 елда шәһәр тирәлеге сыйфаты индексы нәтиҗәләрен тәкъдим итте. Нәтиҗәләрдән күренгәнчә, Түбән Кама 360 мөмкинлектән 209 балл җыйган. Бу турыда Түбән Кама муниципаль районы рәсми сайтында хәбәр ителә.
Шәһәр «Торак һәм тирә-юнь киңлекләре» пункты буенча 47 балл җыйган. «Гомумшәһәр киңлеге» — 37 балл, «Урам-юл челтәре» — 34 балл, «Социаль-ял итү инфраструктурасы һәм әйләнә-тирә мохит» — 33 балл һәм «Яшелләндерелгән киңлекләр» өчен 30 балл туплаган.
Исегезгә төшерик, индекс ел саен шәһәр тирәлегенең алты төрен бәяләү нигезендә, Россия Төзелеш министрлыгы тарафыннан формалаштырыла.
2020 елда Түбән Камадан тыш югары балл җыйган моношәһәрләр — Тутаев, Козьмодемьянск, Канаш һәм Тольятти.
Кызыклы яңалыкларны күзәтеп бару өчен Телеграм-каналга язылыгыз