Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда газ шартлаудан зыян күргән фатирларны төзекләндерү башланды
Автошәһәр мэры зыян күргән подъездда яшәүчеләр Яңа елны үз фатирларында каршыларга тиеш, дигән бурыч куйган.
(Казан, 6 декабрь, «Татар-информ», Эльза Кузнецова). Чаллыда быел 25 октябрьдә көнкүреш газы шартлаудан зыян күргән 48нче комплекстагы 20нче йортта төзекләндерү эшләре актив дәвам итә. Аппарат киңәшмәсендә йорттагы хәлләр турында Автошәһәр башкарма комитеты җитәкчесе урынбасары Илья Зуев хәбәр итте.
«Ремонт эшләре актив алып барыла, эшләр фатир эчендә бара, бизәү материаллары сайлап алынды. Билгеләнгән вакытка бу эшләрне төгәлләргә планлаштырабыз», — дип сөйләде докладчы.
Автошәһәр мэры өч подъездда — 10, 11 һәм 12нче подъездларда яшәүчеләр Яңа елны үз фатирларында каршыларга тиеш, дигән бурыч куйган.
«Челнинские известия» газетасы мәгълүматларына караганда, зыян күргән фатирларда яшәүчеләр материалларны үзләре сайлаган. «Профит» оешмасы башкарма директоры Анатолий Кондюков диварларны бизәү торак хуҗаларының зәвыгы белән тулысынча килештереп эшләнде, дип белдерде.
Кызыклы яңалыкларны күзәтеп бару өчен Телеграм-каналга язылыгыз