Фәрит Мөхәммәтшин коррупциягә балачактан ук тискәре мөнәсәбәт формалаштырырга чакырды
Парламент башлыгы республика коррупциягә каршы яшьләр форумында катнашты.
(Казан, 6 декабрь, «Татар-информ», Надежда Гордеева). Татарстан Дәүләт Советы Рәисе Фәрит Мөхәммәтшин коррупциягә балачактан ук тискәре мөнәсәбәт формалаштырырга чакырды. Парламент башлыгы бүген Казанда узган республика коррупциягә каршы яшьләр форумында шулай дип белдерде.
«Җәмгыятьтә ришвәт алучы кешеләрне ихтирам итмәү атмосферасын тудырырга кирәк. Мондый нормаларны балачактан ук формалаштыру һәм гадәткә кертү зарур», - диде Дәүләт Советы Рәисе.
Моннан тыш, аның сүзләренчә, коррупцияне кисәтү өчен халыкның хокукый белемен күтәрергә кирәк.
Республика коррупциягә каршы яшьләр форумы ел саен 9 декабрьдә билгеләп үтелә торган Халыкара коррупциягә каршы көрәш көне алдыннан үткәрелә.
Галерея: Республиканский антикоррупционный форум