Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда корал тапшыручыларга 15 мең сум түләнергә мөмкин
Корал тапшырган өчен акчаны алу өчен күп функцияле үзәккә мөрәҗәгать итәргә кирәк.
(Казан, 6 октябрь, «Татар-информ», Гүзәл Хөсәенова). Ел башыннан бирле татарстанлыларга ирекле рәвештә корал тапшырган өчен 570 мең сум акча бирелгән. Бу хакта «Татар-информ» мәгълүмат агентлыгына Росгвардиянең Татарстан буенча идарәсенең Лицензия-рөхсәт эше үзәге корал әйләнешен контрольдә тоту бүлеге башлыгы Рамил Камалиев сөйләде.
«Әгәр дә кеше табылган коралны кулга алырга курка икән, аңа полиция хезмәткәрләрен чакыртырга кирәк. Алар килеп, корал табылу фактын теркәячәк һәм аны алачак», — дип сөйләде Камалиев.
Әгәр дә кеше коралны үзе тапшырырга карар кылган икән, аңа аны якындагы полиция бүлегенә яки Росгвардиянең лицензия-рөхсәт эше бүлегенә алып килергә һәм гариза язарга кирәк.
Корал тапшырган өчен акчаны алу өчен күп функцияле үзәккә мөрәҗәгать итәргә, үзе белән полиция бүлегендә тапшырылган корал квитанциясе, паспорт, ИНН һәм исәп-хисап счетын алырга кирәк. Документлар тикшерелгәннән соң ТР Биологик ресурслары буенча дәүләт комитетына тапшырыла, анда акча түләү турында карар кабул ителә.
Законсыз хәрби һәм хезмәт коралын тапшырган өчен 15 мең сумга кадәр акча түләү каралган.
Кызыклы яңалыкларны күзәтеп бару өчен Телеграм-каналга язылыгыз