Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан пенсионерларына түләүләр өчен 11 млрд сумнан артык акча күчерелгән
Республика буенча 1,1 миллионнан артык пенсионер акча алачак.
(Казан, 6 сентябрь, «Татар-информ», Наталья Рыбакова). Татарстан пенсионерларына бер тапкыр бирелә торган 10 мең сум күләмендә акча түләү өчен 11 млрд сумнан артык акча җибәрелде. Бу турыда Россия Пенсия фондының Татарстан буенча бүлеге матбугат хезмәте хәбәр итә.
«Татарстан пенсионерларына бер тапкыр бирелә торган 10 мең сумны түләү өчен банкларга, почта элемтәсе бүлекләренә һәм китерү хезмәтенә 11,2 млрд сум күләмендә акча җибәрелгән. 2 сентябрьдә акча 780 мең пенсионерның кредит учреждениеләре аша килә башлады. Пенсияне китерү хезмәте һәм элемтә бүлеге аша алучы калган гражданнарга (Татарстанда алар — 341 мең) акча 3 сентябрьдән килә башлаячак», — дип хәбәр итте Россия Пенсия фондының Татарстан буенча идарәчесе Эдуард Вафин.
Республикада 1,1 миллионнан артык пенсионер акча алачак. Бер тапкыр түләнә торган акча өчен Россия Пенсия фондының Татарстан буенча бүлегенә мөрәҗәгать итәргә кирәкми. Ул автомат рәвештә билгеләнәчәк һәм пенсионерлар пенсия ала торган шул ук китерү оешмаларына юнәлдерелә.
Акча пенсия килә торган көндә күчерелә. Әгәр бер тапкыр бирелә торган акчалата түләү 2021 елның сентябрендә килмәсә, ул соңрак була, диелә.
Кызыклы яңалыкларны күзәтеп бару өчен Телеграм-каналга язылыгыз