Татарстан сәнәгать һәм сәүдә министры урынбасары Алмаз Хөсәенов отставкага китте
Хөсәенов әлеге вазифаны 2014 елның апреленнән биләде.
Скопировать ссылку
(Казан, 6 август, «Татар-информ», Диана Авакян). Татарстан Министрлар Кабинеты ТР сәнәгать һәм сәүдә министры урынбасары Алмаз Хөсәеновны отставкага озатты. Шул хактагы карар республика хокукый мәгълүмат порталында дөнья күргән.
«Хөсәенов Алмаз Шәүкәт улын хезмәткәр инициативасы буенча 2020 елның 7 августында биләгән вазифасыннан азат итәргә», - диелә документта.
Хөсәенов әлеге вазифаны 2014 елның апреленнән биләде. Аңа кадәр Яшел Үзәннең Горький исемендәге заводында, Россия Сәнәгать һәм сәүдә, Авыл хуҗалыгы министрлыкларында эшләде.