Казанда Болакны Кабан яры белән тоташтырачак тоннель ясарга планлаштыралар

Тоннельне Камал театрының фонтан мәйданы астында салырга ниятлиләр.

(Казан, 6 август, «Татар-информ», Марат Ишкилдин). Казанда Камал театрының фонтан мәйданы астында Болакны Кабан күле яры белән тоташтыра торган тоннель барлыкка киләчәк. Бу хакта блоггерлар белән очрашуда Казан мэры Илсур Метшин җиткерде.

«Без, Татарстан урамын кисеп үтмичә, бу тоннельдән өстә Уң як һәм Сул як Болакка үтү юлы ясарга планлаштырабыз», - диде Метшин.

Бу зонада реверсив хәрәкәт оештырырга планлаштыралар. Шул ук вакытта Уң Болак урамыннан Марсель Сәлимҗанов урамы ягына транспорт хәрәкәте оештырылачак, ә Сул Болак урамы автомобиль хәрәкәте өчен актив булмаячак.

«Югары, Урта һәм Түбән Кабан полосасы Сул Болак буенча Кремль яры һәм аннан Казансу яры белән тоташачак», — дип өстәде мэр.

Хәзер әлеге маршрут проекты эшләнә.