Татарстанда боз, яшенле яңгыр һәм көчле җил көтелә

Синоптиклар бүген кич һава шартларының начараюы хакында кисәтте.

Скопировать ссылку

(Казан, 6 июль, «Татар-информ»). Татарстан территориясендә бүген кич урыны белән боз һәм яшенле яңгыр, көчле җил көтелә.

Бу хакта республика Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Көньяк-көнбатыштан искән җилнең тизлеге секундына 15-20, урыны белән 23 метрга кадәр җитәчәк.