Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә рейслары язга билгеләнгән авиабилетларның бәясе 10 процентка арзанайган
Россиялеләр арасында сәяхәтләр өчен иң популяр өч шәһәр арасына Сочи, Симферополь һәм Минеральные Воды кергән.
(Казан, 6 февраль, «Татар-информ»). Россиядә рейслары язга билгеләнгән авиабилетларның бәясе 10 процентка арзанайган, быел уртача чек 6 700 сум тәшкил иткән. Шул ук вакытта, россиялеләр арасында сәяхәтләр өчен иң популяр өч шәһәр арасына Сочи, Симферополь һәм Минеральные Воды кергән.
Бу хакта ТАСС агентлыгы Туту.ру сәфәрләр һәм сәяхәтләр сервисы аналитик үзәге мәгълүматларына сылтама белән хәбәр итә.
«Иң популяр юнәлешләр - Сочи, Симферополь һәм Минеральные Воды. Россия буенча яз айларына авиабилетларның уртача чегы әлегә 2020 елга караганда 10 процентка арзанрак. 2020 елның 1 декабреннән 2021 елның 29 гыйнварына кадәрге чорда яз айларына белешеп куйган билетларга анализ ясалды, - дип хәбәр иттеләр компаниядән. - Россия буенча яз айларына инде рәсмиләштерелгән билетларның уртача чегы бер якка 6 733 сум тәшкил итә, бу 2020 елга (ул чагында авиабилетларның уртача бәясе 7 472 сум тора иде) караганда 10 процентка кимрәк».
Россия шәһәрләренә Мәскәүдән юл тоткан очракта авиабилетларның уртача чегы – 5 800 (7 процентка кимрәк), Санкт-Петербургтан кузгалып киткән очракта 4 700 сум (12 процентка кимрәк) тәшкил иткән.
Мәскәүдән шулай ук Калининград, Краснодар, Екатеринбург, Анапа, Иркутск һәм Санкт-Петербург шәһәрләренә, Санкт-Петербургтан исә Сочи, Минеральные Воды, Симферополь, Новосибирск, Калининград һәм Красноярск юнәлешләренә билет белешеп куялар.
Кызыклы яңалыкларны күзәтеп бару өчен Телеграм-каналга язылыгыз