Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татар телендәге бишек җырларыннан «Babykөi» җыентыгын төзиячәкләр
«Babykөi» проекты балалар һәм яшьләр өчен социаль әһәмиятле проектларны тормышка ашыруга грант отты.
(Казан, 5 декабрь, «Татар-информ»). Татарстанда татар телендә «Babykөi» бишек җырлары җыентыгы барлыкка киләчәк. Проект балалар һәм яшьләр өчен социаль әһәмияткә ия проектларны гамәлгә ашыруга грант отты. Бу хакта Татарстан Яшьләр эшләре министрлыгы матбугат хезмәте хәбәр итте.
«Яшьтәшләремнең күбесе татар телендә бер-ике бишек җырын хәтерли икән. Ул җырларның берсе татар телендә кичке балалар программасы башланыр алдыннан яңгыравы белән истә калган. Шуңа күрә мин әлеге җырларны җыеп, теләгән кешегә җибәрү кызыклы булыр иде дип уйладым, чөнки бу җырларны төрле чыганаклардан эзләргә кемнеңдер вакыты юк, ә кемнеңдер теләге дә», — диде идея авторы, студент Зәйнәп Хәйретдинова.
Аның сүзләренчә, бу аның грантлар конкурсында катнашкан беренче проекты. Башта ун гына булса да җыр җыю планлаштырыла.
Үзләренең бишек җырлары белән уртаклашырга теләгән кешеләр композицияләрен babykoi@mail.ru электрон почтага яки @baby_koi_ Instagram-битенә җибәрә ала.
Кызыклы яңалыкларны күзәтеп бару өчен Телеграм-каналга язылыгыз