news_header_top_970_100
16+
news_header_bot_970_100

Дәүләт Думасында ОСАГО бәясе кыйммәтләнү турындагы хәбәрне кире кактылар

«ОСАГО тарифлары 30 процентка арта алмый, бары инфляция дәрәҗәсенә генә кыйммәтләнергә мөмкин», - диде Дәүләт Думасының финанс базары буенча комитет башлыгы Анатолий Аксаков парламент тыңлауларында.

(Казан, 5 декабрь, «Татар-информ»). Дәүләт Думасының финанс базары буенча комитет башлыгы Анатолий Аксаков парламент тыңлауларында ОСАГО бәясе кыйммәтләнү турындагы хәбәрне кире какты. Бу хакта РИА Новости хәбәр итә.

«ОСАГО тарифлары 30 процентка арта алмый, бары инфляция дәрәҗәсенә генә кыйммәтләнергә мөмкин», - диде ул.

Шулай итеп, Аксаков «Известия» газетасында чыккан мәкалә турында фикерен белдерде. Анда ОСАГО полисы двигатель егәрлеге коэффициенты гамәлдән чыккан очракта, өчтән бер өлешкә диярлек кыйммәтләнергә мөмкин, диелә.

Анатолий Аксаков мондый хәбәрләр ОСАГО буенча парламент тыңлаулары алдыннан бары тик кешеләрдә борчылу тудыру өчен генә барлыкка килә, дип фаразлады.

autoscroll_news_right_240_400_1
autoscroll_news_right_240_400_2
news_bot_970_100