Әлмәттә коляскада йөрүче 100 инвалид өчен пандуслар ясалган

(Казан, 5 декабрь, “Татар-информ”, Роза Исмәгыйлова). Әлмәт шәһәрендә коляскада йөрүче 100 инвалид өчен пандуслар ясалган. Димәк, бәйрәмнәрдә катнашучылар саны тагын йөз кешегә артачак, дип хәбәр итә “Әлмәт таңнары” газетасы.

Әлмәт республикада һәркем куллана алырлык тирәлек тудыру буенча әйдәп баручылардан исәпләнә. Узган ел федераль һәм республика бюджетыннан дүрт бинага тоткарлыксыз үтеп керү өчен шартлар тудыруга 12 миллион 400 сум акча бүлеп бирелгән. Быел әлеге сумма 22 миллион 856 мең сум тәшкил итә. Инвалидлар өчен спорт секцияләре булдыру да нәтиҗәсен биргән. Бүген 120 дән артык кеше спорт белән шөгыльләнә. Арада Европа турнирларында җиңү яулаучылар да бар.