Радик Юльякшин Башкортстан Хакимиятендә яңа вазифага билгеләнде

Элвин Грей исеме белән җырлаучы артист Радий Хәбировның киңәшчесе булачак.

(Казан, 5 октябрь, «Татар-информ»). Радик Юльякшин Башкортстан Башлыгының мәдәниятне һәм яшьләр сәясәтен үстерү мәсьәләләре буенча киңәшчесе булачак. Бу турыда «Башинформ» хәбәр итте.

Элвин Грей исеме белән танылган җырчы Радик Юлъякшин әлеге вазифаны җәмәгать эше буларак башкарачак.

Башкортстан Башлыгы Радий Хәбиров шул хакта боерыкны имзалаган. Бу турыда ул республика Хакимиятенең оператив киңәшмәсендә әйткән.