Әлмәт муниципаль районында 2000 нче бала тууны теркәделәр

Әлмәттә 2000 нче бала булып дөньяга килгән Марк гаиләдә дүртенче бала.

(Әлмәт, 5 октябрь, "Татар-информ", "Әлмәт таңнары"). Әлмәт муниципаль районында 2000 нче бала тууны теркәделәр, дип яза җирле басма.

Шатлыклы вакыйганың сәбәпчеләре Евгения һәм Анатолий Фроловлар. Әлмәттә 2000 нче бала булып дөньяга килгән Марк гаиләдә дүртенче бала. Туганда аның авырлыгы 3,86 кг һәм буе 57 см булган. ЗАГС хезмәткәрләре бәхетле гаиләне тормышларындагы куанычлы вакыйга белән чын күңелдән тәбрик итеп, әти-әнигә баланың туу турындагы таныклыгын тапшырды.