Башкортстанда бал бәйрәме үткәрәчәкләр

Бәйрәмдә милли ризыклардан торган күргәзмәләр әзерләячәкләр.

(Казан, 5 август, «Татар-информ»). 19 августта Башкортстанда Гафури районының Имәндәш авылында «Бал бәйрәме» узачак.

«Башинформ» хәбәр итүенчә, бәйрәм кысаларында берничә кызыклы чара узачак. Шуларның берсе — Уфа, Стәрлетамак, Салават туристлары, шулай ук Башкортстан Республикасы Халыклар дуслыгы йорты филиаллары-тарихи-мәдәни үзәкләр белгечләре катнашында этнографик тур.

Тарихи-мәдәни үзәкләр белгечләре милли ризыклардан торган күргәзмәләр әзерләячәкләр. Шулай ук туристлар өчен декоратив-гамәли сәнгать буенча мастер-класслар үткәрәчәкләр.