Рөстәм Миңнеханов беренче укытучысын 75 яшьлек юбилее белән котлады

Президент Римма Закирҗановага сәламәтлек, бәхет һәм озын гомер тели.

(Казан, 5 май, «Татар-информ»). Татарстан Президенты Рөстәм Миңнеханов беренче укытучысы Римма Закирҗанованы туган көне — 75 яшьлек юбилее белән котлый. Бу турыда ул социаль челтәрләрдә язды.

Рөстәм Миңнеханов Instagram, «ВКонтакте» һәм Twitter сәхифәләрендә укытучысы һәм сыйныфташлары белән төшкән фотоны һәм котлау сүзләре язып калдырган.

«Минем беренче укытучым Римма Рәүф кызына бүген 75 яшь тула. Ихлас күңелемнән Сезгә рәхмәт сүзләремне тапшырам һәм туган көнегез белән котлыйм! Нык сәламәтлек, бәхет һәм озын гомер телим!» диелә котлауда.