Россия Хезмәт министрлыгы өч көнлек эш атнасы турында искә төшерде

Ял көннәре 9 майдан 12 майга кадәр дәвам итәчәк.
(Казан, 5 май, «Татар-информ»). Киләсе атнада россиялеләрне 9 Май - Җиңү көнен бәйрәм итүгә бәйле рәвештә, өч көнлек эш атнасы һәм дүрт ял көне көтә. Бу хакта якшәмбе көнне Россия Хезмәт министрлыгы матбугат хезмәтендә хәбәр иттеләр.«Киләсе атнада эш көннәре - 6, 7, 8 май, ял көннәре 9 майдан 12 майга кадәр булачак», - дип хәбәр иттеләр ведомствода.Хезмәт һәм мәшгульлек буенча Федераль хезмәттә билгеләп үтелгәнчә, 8 майдагы эш көне бер сәгатькә кыскара.