Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рәхимов Хөкүмәтеннән булган түрә Уфада татар мәктәпләре санын арттырырга чакырды
Башкортстан башкаласында татар мәктәпләре башкортларныкыннан ким булмаска тиеш, дип саный блогер Артур Иделбаев.
(Казан, 5 февраль, «Татар-информ», Тимур Рәхмәтуллин). Мортаза Рәхимов Хөкүмәтеннән булган башкорт чиновнигы, блогер Артур Иделбаев Уфада татар мәктәпләрен күбрәк ачарга чакырды.
«Татарлар күпләп яшәгән районнарда һәм шәһәрләрдә татар гимназияләре ачылса, республика [Башкортстан] отар гына иде. Ә Уфада алар башкортларныкыннан ким булмаска тиеш», - ди ул «Миллиард.татар» порталындагы колонкада.
Иделбаев Нефтекамскида (Башкортстан) «Белем» татар күптелле белем бирү мәктәбе ачылуны яхшы алым дип саный. Аның сүзләренчә, бер үк вакытта янәшә яшәүче татарларны бәхетле итмичә, башкортларны бәхетле итеп булмый. «Мин кайчан да булса татар гимназияләре ачыла башлар дип ышанам. Мондый көн, һичшиксез, киләчәк», - дип инана ул.
Әйтергә кирәк, Иделбаев - башкорт яшьләре берлегенә нигез салучыларның берсе. Бүген ул төбәктә туризмны үстерә.
«Татар-информ» хәбәр иткәнчә, шушы көннәрдә Нефтекамскида (Башкортстан) татар телен тирәнтен өйрәнүле 400 урынга исәпләнгән «Белем» күптелле белем бирү мәктәбе ачылды. Башкортстан башлыгы Радий Хәбиров 2024 елга төбәктә 14 күптелле белем бирү мәктәбе ачылачак, анда балалар сыйфатлы белем алачак, телләр өйрәнәчәк һәм өстәмә күнекмәләр алачак, диде.
Кызыклы яңалыкларны күзәтеп бару өчен Телеграм-каналга язылыгыз