Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Аксубай районы авыл клубында тарих почмагы булдырылган
Авыл клубы базасында мәдәният хезмәткәрләренең гамәли семинары узды.
(Аксубай, 5 февраль, «Татар-информ», «Авыл таңнары», Зинаида Леонтьева). Аксубай районы Яңа Чуаш Адәмсуы авыл клубында «Чуаш өе — үз тамырларыңны истә тотып яшә» дигән музей-күргәзмә экспозициясе ачылды.
Күргәзмә — авыл, крестьяннарның мәдәниятен һәм көнкүрешен үзенә туплаган борынгы почмак. Авыл өендә безнең ата-бабаларыбызны әйләндереп алган, аерым эшләрне башкаруда, кечкенә балаларны тәрбияләүдә ярдәм иткән борынгы әйберләр аша узган гасырларның чуаш гаиләләре тормышы күрсәтелгән. Бу турыда район басмасы хәбәр итә.
Монда хуҗабикәләр кием тегү өчен тукыма тукый торган станокны да, май язу җайланмасын да, бау ишү өчен кулланылган боргычны да һәм гасырлар аша безнең көннәргә кадәр сакланып калган башка бик күп әйберләрне үз кулларың белән тотып карарга мөмкин.
Авыл клубы базасында мәдәният хезмәткәрләренең гамәли семинары узды. Хезмәттәшләр күргәзмә оештыру буенча авыл клубы методисты Ирина Артемьева эшчәнлегенә һәм клуб берләшмәләре катнашучыларының бердәм эшенә югары бәя бирделәр.
Кызыклы яңалыкларны күзәтеп бару өчен Телеграм-каналга язылыгыз