Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чирмешән районында кунак булган дөяләрне бөтен авыл белән озаттылар
Чаллы янындагы авылда алар өчен махсус вольер төзеткәннәр.
(Чирмешән, 4 декабрь, «Татар-информ», «Безнең Чирмешән», Марат Гомәров). Сентябрь аенда Чирмешән районы Иске Үтәмеш авылына дөяләр алып кайткан иделәр. Бераз бездә яшәгән «цирк артистларын» узган атнада Чаллыга озаттылар. Бу турыда район басмасы хәбәр итә.
Дөяләрне Иске Үтәмештән Рәис абый Фәләхетдиновның Чаллы шәһәрендә яшәүче улы Радик алып кайткан иде. Коронавирус чире белән бәйле, ул җитәкләгән күчмә цирк чикләүләргә дучар булган. Шунлыктан Ада һәм Тутта исемле дөяләрне вакытлыча Иске Үтәмештә сыендырырга туры килә.
Бу атнада әлеге хайваннарны Чаллы янындагы бер авылга алып киттеләр. Анда алар өчен махсус вольер төзеткәннәр. Бу кунакларны безнең халык та яратып өлгергән иде, аларны килеп караучылар шактый булды. Шунлыктан Ада белән Туттаны озатырга авылдашлар, тирә-күршеләр дә җыелган. Хайваннарны яңа урыннарында да үз итсеннәр иде.
Кызыклы яңалыкларны күзәтеп бару өчен Телеграм-каналга язылыгыз