Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанның тарихи үзәгенә машина белән керүне түләүле ясарга тәкъдим иттеләр
Әлеге яңалыкка Мәскәүдән тыш, Красноярск, Екатеринбург, Санкт-Петербург һәм башка шәһәрләр дә әзер.
(Казан, 4 октябрь, «Татар-информ», Дарья Сәйфиева). Шәһәрләр үсешен өйрәнүче белгечләр — урбанистлар фикеренчә, Россиянең миллионнан артык кеше яши торган шәһәрләренең тарихи үзәгенә керүне түләүле ясау юллардагы хәлне яхшыртырга ярдәм итәчәк.
Мәскәүдән тыш әлеге яңалыкка Казан, Красноярск, Екатеринбург, Санкт-Петербург һәм башка шәһәрләр дә әзер. Бу хакта РИА Новости хәбәр итә.
«Җан башына туры килгән автомобильләр саны югары булган тарихи шәһәрләрне карарга кирәк. Самара, Краснодар, Екатеринбург һәм Казанда автомобиль хуҗаларының өлеше ил буенча уртача күрсәткечләрдән югарырак, ә тарихи үзәк машина хәрәкәте күп булган вакытта бөтен агымны үзенә тарта», — диде «Простор» компаниясенең төп аналитигы Анна Савина.
«Чыннан да, бүген шәһәр үзәгенә түләүле кертүгә, мөгаен, бары тик Мәскәү һәм Санкт-Петербург, Казан, Екатеринбург, Красноярск өлешчә әзер», — диде урбанист, шәһәр кешеләре белән үзара хезмәттәшлек буенча белгеч Константин Лавров.
Әмма ул шәһәр үзәгенә түләүле керү мәсьәләсе зур шәһәрләрне үстерү буенча комплекслы якын килүнең бер өлеше буларак каралырга тиешлегенә игътибар итте.
Кызыклы яңалыкларны күзәтеп бару өчен Телеграм-каналга язылыгыз