Буа мөхтәсибәте картлар йортында яшәүче өлкәннәргә оекбашлар таратты

(Казан, 4 октябрь, "Татар-информ"). Буа мөхтәсибәте һәм шәһәр мәчетләре берләшеп районыбызның картлар йортында яшәүче өлкәннәргә бүләк булсын диеп кышкы оекбашлар таратты. ТР Диния нәзарәтенең матбугат хезмәте. 

“Хаҗилар” мәчете имамы Фәһим хәзрәт Сөләйманов өлкәннәргә үзенең нәсыйхәтләрен җиткерде. Мөхтәсиб Илмир хәзрәт Хәсәнов исеменнән тәбрик сүзләрен әйтте. Үзәк мәчет имамы Рөстәм хәзрәт Хәйбуллин да өлкәннәрне котлап үтте. Фәнис әфәнде картларга һаман шөкер итеп яшәүне ассызыклап китте.

Картлар йорты мөдире Рәзинә Рәисовна үзләренең оешмалары исеменнән Буа мөхтәсибәтенә рәхмәт сүзләрен җиткерде.