Эксперт Татарстанның киләчәктәге өстенлекләрен атады

Урбанистиканы үзгәртү, яшьләр белән эшләү һәм IT-кластерны үстерү республикага киләчәктә лидерлыкта калырга ярдәм итәчәк.

(Казан, 4 сентябрь, «Татар-информ», Егор Никитин). Заманча иҗтимагый киңлекләрне үзгәртеп кору, яшьләр белән актив эш алып бару һәм IT-индустрияне үстерү республикага киләчәктә алдынгы ролен саклап калырга ярдәм итәчәк һәм Татарстанның өстенлекләренә әйләнәчәк. Бу хакта Казанда «Волга» экспертлар клубы утырышында футуролог, буыннар теориясе буенча эксперт, кластерлы үсеш өлкәсендә белгеч Евгения Шамис сөйләде.

«Монда урбанистика трансформациясе белән көчле тема бар, аның Россиядә аналоглары юк. Хәзер бу кызыксындыргыч дөнья темасы. Монда шулай ук яшьләр белән бәйле тема бар, аны беркем дә эшләми — бу мәгариф, спорт һ.б.», — диде футуролог.

Ул республиканың башка көчле яклары - автомобиль төзелеше, шулай ук медицина һәм IT-технологияләр үсеше темалары, дип өстәде. Шул ук вакытта соңгы ике өлкәгә, Шамис сүзләренчә, төбәк хакимиятләренең аерым игътибары кирәк.