news_header_top
Руc Тат
16+
news_header_bot
news_top
Җәмгыять 4 июнь 2008 10:47

“Здравушка” үзәгендә “Мин яши торган йорт!” дигән бәйрәм уза

Чара Халыкара балаларны яклау көненә багышлап үткәрелә

Скопировать ссылку
(Казан, 4 июнь, “Татар-информ”). Бүген “Здравушка” физик мөмкинлекләре чикләнгән балалар һәм яшүсмерләрне тернәкләндерү үзәгендә Халыкара балаларны яклау көненә багышланган “Мин яши торган йорт!” дигән бәйрәм уза, дип хәбәр итә “Бердәм Россия” Бөтенроссия сәяси партиясенең Татарстан төбәк бүлеге матбугат үзәге.
Социаль учреждениегә шефлык итүче “Бердәм Россия” Бөтенроссия сәяси партиясенең Татарстан төбәк бүлеге исеменнән үзәктә тәрбияләнүчеләрне партиянең төбәк бүлеге башкарма комитеты рәисе Виктор Бударин котлаячак. Бәйрәм чарасында шулай ук дәүләт хакимияте органнары, иҗтимагый оешмалар вәкилләре катнаша.
Хәзерге вакытта “Зравушка” үзәгендә 45 бала тернәкләндерү уза. Шуларның җидесе быел мәктәпкә барачак.

news_right_1
news_right_2
news_bot