Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстан зиратларында өмәләр башланды
Әлеге чараларда республика хөкүмәте әгъзалары да катнаша.
(Казан, 4 май, «Татар-информ»). Бүгеннән Башкортстан зиратларында өмәләр башланды. Бу хакта үзенең социаль челтәрдәге аккаунтында төбәк Башлыгы Радий Хәбиров хәбәр итте дип яза «Башинформ».
«Бер ел элек республикада Искә алу көне уздыру традициясе барлыкка килде», — дип язган ул.
Һава торышына бәйле рәвештә, быел барлык муниципалитетлардагы зиратларда өмәләр 3-8 майда уздырыла. Зират өмәләрендә республика хөкүмәте әгъзалары да катнаша. Каберлекләр тәртипкә китереләчәк, корыган агачлар һәм ботаклар киселәчәк, чардуганнар, капкалар буялачак, чүп-чар түгеләчәк.
Ветераннарның, Бөек Ватан сугышында катнашкан кешеләрнең, аларның тол хатыннарының, тыл хезмәтчәннәренең, Кораллы Көчләр ветераннарының каберләрен тәртипкә китерүгә аерым игътибар биреләчәк, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз