Май бәйрәмнәрендә татарстанлыларга бакчага бару өчен 900 SMS-рөхсәт бирелгән

Барлыгы 1 майдан 3 майга кадәр республика халкы 1 млн 190 мең тапкыр цифрлы пропусклар системасын кулланган.

(Казан, 4 май, «Татар-информ»). Май бәйрәмнәренең өч көнендә татарстанлылар дачага бару өчен 915 мең цифрлы пропуск кулланган. Бу турыда Татарстан Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы хәбәр итә.

«1 майда татарстанлылар 271 мең пропуск сораган, 2 майда — 250 мең һәм 3 майда — 383 мең», диелә матбугат хезмәте хәбәрендә.

Барлыгы 1-3 майда 1 млн 190 мең код бирелгән.

Татарстанлылар, цифрлы пропусклар системасында тиешле опцияне кулланып, атнага дүрт тапкыр бакчага чыга ала.