Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яңа кушымта министрлыклар белән татарстанлылар арасында туры элемтә булдырачак
«Локоло» сервисы ярдәмендә гражданнар хакимият һәм җирле бизнес вәкилләре белән турыдан-туры аралаша алачак.
(Казан, 4 апрель, «Татар-информ», Диләрә Галиева). «Локоло» дип аталган яңа кушымта татарстанлылар белән министрлык, ведомство һәм идарәче компания вәкилләре арасында турыдан-туры элемтәне җайга салырга мөмкинлек бирәчәк.
ТР Дәүләт идарәсен цифрлы нигездә үстерү, мәгълүмат технологияләре һәм элемтә технологияләре министрлыгының матбугат хезмәтеннән «Татар-информ» агентлыгына хәбәр итүләренчә, алар сервиста үзләренең шәхси сәхифәләрен булдыра һәм шунда актуаль мәгълүмат белән уртаклаша алачак.
«Локоло» үзенә күрә бердәм цифрлы ишегалдына әвереләчәк, күршеләр белән дус һәм тату яшәү атмосферасын кире кайтарырга ярдәм итәчәк. Әлеге кушымтада гражданнар, локаль бизнес һәм дәүләт вәкилләре турыдан-туры аралашу белән бергә, ишегалды территорияләрен тәртипкә китерүдә реаль мәсьәләләрне дә хәл итә алачак», — дип белдерделәр министрлыкта.
Моннан тыш, «Локоло» кушымтасы ярдәмендә җирле эшкуарлар үз товарларын һәм хезмәтләрен дә тәкъдим итә алачак. Яңа сервис аларга клиентлар белән кире элемтә булдырырга, шулай ук үз тәкъдимнәрен һәм акцияләрне турыдан-туры әлеге кушымтада гамәлгә ашырырга мөмкинлек бирәчәк.
Кушымтаны маркетплейсларда йөкләп алып була инде. Ул 2021 ел дәвамында тулы куәтенә эшләп китәр дип көтелә.
Кызыклы яңалыкларны күзәтеп бару өчен Телеграм-каналга язылыгыз