news_header_top_970_100
16+
news_header_bot_970_100

Кукмараның полиция Кыш бабае балаларга бүләкләр өләшә

Яшь гражданнар белән хокукый юнәлештәге дәресләр дә уздырыла.

Кукмараның полиция Кыш бабае балаларга бүләкләр өләшә
Район эчке эшләр бүлегенең участогы

(Кукмара, 4 гыйнвар, «Татар-информ», «Хезмәт даны», Алсу Сәлахетдинова). Кукмараның полиция Кыш бабае балаларны сөендерә. Республикакүләм «Полиция Кыш бабае» хәйрия акциясенә Кукмарада яшәүчеләр дә кушылды. Бу турыда район басмасы хәбәр итә.

Акция кысаларында эчке эшләр органы хезмәткәрләре һәм җәмәгатьчеләре үзләре шефлык итүче мәктәпкәчә яшьтәге, белем бирү учреждениеләрендә, балалар йортлары, мәктәп-интернатларда тәрбияләнүчеләрне, авыр тормыш хәлендә калган гаиләләрдәге балаларны Яңа ел һәм Раштуа бәйрәмнәре белән котлыйлар.

Моннан тыш, яшь гражданнар белән хокукый юнәлештәге дәресләр дә уздырыла. Балаларга закончалык нигезләре, җәмәгать урыннарында үзеңне тоту кагыйдәләре аңлатыла, хокук бозулар өчен күрелүче, иминлекне тәэмин итү чаралары турында сөйлиләр.

«Район эчке эшләр бүлегенең участок инспекторлары, балигъ булмаганнар белән эшләү бүлекчәсе хезмәткәрләре авыр тормыш шартларында калган гаиләләрдә тәрбияләнүче балаларны Яңа ел белән котлады. Балалар кунакларны шатланып каршы алдылар, үзләренең уңышлары турында сөйләделәр, алдагы елга планнары белән уртаклаштылар, яңа ел турында шигырьләр укыдылар. Барлык балаларга да күчтәнәчләр өләшенде һәм алар белән профилактик әңгәмә үткәрелде», — ди район эчке эшләр бүлегенең ПДН начальнигы Гөлназ Гыйльфетдинова.

Акция 15 гыйнварга кадәр дәвам итәчәк.

 


autoscroll_news_right_240_400_1
autoscroll_news_right_240_400_2
news_bot_970_100