Синоптиклар республикада кар явачак һәм көннәр салкыначак дип вәгъдә итә

(Казан, 4 гыйнвар, "Татар-информ"). Синоптиклар республикада кар явачак һәм көннәр салкыначак дип вәгъдә итә.
Шулай итеп, республикада тагын ике көн дәвамында кар явачак, дип хәбәр итә ТР Гидрометеорология һәм әйләнә-тирә мохит мониторингы идарәсе.
5 гыйнварга каршы төндә 10–15 градус салкын көтелә, ә аязганда 20 градуска кадәр салкын. Көндез температура 5–10 градус салкын булачак.
6 гыйнварга каршы төндә температура 9–14 градус салкын тәшкил итәчәк, ә көндез узган тәүлекләр белән чагыштырганда салкынрак булачак, ягъни 9–14 градус.