Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфада танылган тел белгече-тюрколог Гайнислам Ибраһимов вафат
2000 елдан Башкорт дәүләт университетында , 2008 елдан — көнчыгышны өйрәнү кафедрасы мөдире булып эшли, 150дән артык фәнни хезмәт авторы.
(Казан, 3 август, «Татар-информ»). Уфада 31 июль көнне 53нче яшендә танылган тел белгече, тәрҗемәче, филология фәннәре кандидаты, Башкортстан Республикасы Язучылар берлеге әгъзасы Гайнислам Ибраһимов вафат булды. Бу хакта «Башинформ» агентлыгына галимнең туган апасы, режиссер һәм сценарист, филология фәннәре кандидаты Гөлчәчәк Сәламәтова хәбәр итте.
Гайнислам Дәүләтбаев улы Ибраһимов 1968 елның 7 апрелендә ТАССРның Баймак районы Икенче Иткул авылында туа. Башкорт дәүләт университетын, шулай ук Анкара (Төркия) университетын тәмамлаган. 2000 елдан Башкорт дәүләт университетында , 2008 елдан — көнчыгышны өйрәнү кафедрасы мөдире булып эшли. «Урал-батыр», «Акбүзат», «Кузыйкурпәс белән Маянсылу» эпосларын, Салават Юлаев, Акмулла шигырьләрен һ.б. башкорт фольклоры һәм башкорт әдәбияты әсәрләрен төрек теленә тәрҗемә итә. Аның фәнни тикшеренүләре төрки телләрнең чагыштырма грамматикасына, төрки халыкларның фольклорына багышланган. 150дән артык фәнни хезмәт авторы.
Р.Эрдуранның «Бүләк» пьесасын башкорт теленә тәрҗемә иткән, «Башкорт халык дастандары» җыентыгын, «Урал батыр», «Акбүзат» эпосларын төрек дөньясында танытканы һәм башкорт халык иҗатын пропагандалаганы өчен Ш. Бабич исемендәге дәүләт яшьләр премиясенә лаек булган.
Галим Баймак районында Икенче Иткул авылында җирләнде.
Кызыклы яңалыкларны күзәтеп бару өчен Телеграм-каналга язылыгыз