Татарстанда томан, яшен һәм көчле җил көтелә

Синоптиклар һава шартларының начараюы турында кисәтә.

(Казан, 3 август, «Татар-информ»). Иртәгә, 4 августта, төнлә һәм иртән Татарстан территориясендә урыны белән томан, яшен һәм көчле җил көтелә. Көчле җил көндез дә фаразлана, көчәйгәндә аның тизлеге секундына 15-20 метрга кадәр җитәчәк. Бу хакта ТР Гидрометеорология үзәге кисәтә.

Казанда да томан төшәчәк. Республика башкаласында шулай ук көчле җил көтелә. Көчле җил көндез дә фаразлана,  көчәйгәндә аның тизлеге секундына 15 метрга кадәр җитәчәк.