Синоптиклар татарстанлыларны яшенле яңгыр һәм көчле җил хакында кисәтә
Көньяк-көнбатыштан искән җилнең тизлеге урыны белән секундына 15-20 метрга кадәр җитәргә мөмкин.
Скопировать ссылку
(Казан, 3 июль, «Татар-информ»). Иртәгә, 4 июльдә, Татарстан Республикасы территориясендә урыны белән яшенле яңгырлар һәм көчле җил көтелә. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Синоптиклар иртәгә төнлә һәм көндез һава шартларының начараюын фаразлый. «Яшен вакытында көньяк-көнбатыштан искән җилнең тизлеге урыны белән секундына 15-20 метрга кадәр җитәргә мөмкин», - диелә матбугат хезмәте хәбәрендә.